29, June 2003 今日特登去左上水報名去大陸個團, 有無聊丫. 咁就浪費左差唔多兩個鐘… 走嗰時行過fancl, 見倒佢本美容雜誌個封面咁靚就攞左黎睇, 揭到 break burn 呢頁, 小冰話, 出左呢隻新既就好似舊嗰隻無用咁. 唉… 諗諗下, 女仔錢真係容易賺, 啲奸商求其加少少野, 換過個包裝就話係新野, 啲人就會信. 又可以襯機加埋價. (事實上, 我好多時都會懷疑呢類新產品係咪真係有改良過lor. ) (我見呢個新product 既成份同上次一樣既….) 其實香港既fancl 已經貴日本兩三成, 香港賣得咁貴完全係因為賣得太多廣告lor. 終於明白點解marketing 同advertising 呢行可以咁大. 因為消費者真係几容易 ‘握’架. (咁當然我自己都係咁上下啦. 買野嗰時就失晒理性.) 睇黎第時買野都係要醒啲.

---

26, June 攞番琴日出去interview 既小冊子來看, 係關於art 既野, 諗番起以前中四中五學art 時畫既畫, 有啲懷念, 有個衝動想學番少少art, 今個暑假如果有機會學下都好, 但係睇入面啲章程, 要九月之後至開班. 有啲失望. 好後悔之前無留番起嗰時畫既畫, 又無影底相. 至從考完會考之後都無再畫過. 依家再畫一定好肉酸. 唔知第時有無機會可以再學番呢. 呢排貪得意影左啲雲, 雖然唔係真係影得好靚, 但係好滿足, 仲用左黎個wallpaper, 好開心~ 呢兩日天氣唔係幾好, 希望第時可以影倒啲靚啲既天空.