欣欣前兩日生日, 佢真係多得好快丫. 咁快已經三歲啦. 大家留意下佢個表情, 超攪笑 ! 咁細個已經識得攞POST, 唔知係咪因為佢爸爸以前係攝影師既緣故呢. 好得意 ~

29  July

真係激鬼氣丫. 催左好耐exchange 嗰邊攪成點. 到依家, OAL 個答案都仲係催緊架啦.

之前佢同我講: 舊年無SARS都要六月尾啦. 今次佢竟然答我: 舊年無SARS都要七月尾. 

好灰丫. 好明顯佢係度推得就推啦. 

啲FRIEND 成日問我出左LETTER未, 几時走, 搭邊班机, 我點知WOR... 我自己都好想知. 如果我知就唔駛咁慘啦. 都就黎係REG 科既日子啦. 都係一啲聲氣都無. 好嬲好嬲丫~~~

28  July

仲有兩日就要考 IIQE 既PAPER I 同 III啦, 本來諗住之前星期六, 日溫架...  點知懶惰既我...

望住份厚厚既NOTES, 我就知我死緊啦. 

27  July

今日同小冰, 曾凱玲 同 翠兒一起唱K, 之後仲去左香港文化博物館tim~~ 個主題係香港的故事. 佢吔話呢個主題已經做左好幾年架啦. 我睇佢入面啲怖景整得咁靚, 睇黎個主題仲有排做架啦. 因為小冰要趕住番工, 我吔好快係入面睇左一陣, 就去左食TEA啦. 

小冰話佢已經搵倒工, 係做telemarketing既, 係sell 啲既於寛頻上網既野. 佢呢個傻妹仔, 我吔問佢關於啲product既野, 佢都答唔倒. 佢話佢未睇晒啲notes, 唔識答wor. 好得意. :)

啱啱睇左一個FRIEND既INFO: (佢係一間流動電話公司度做SUMMER 既CUSTOMER SERVICE)

太好人
個個當我細路女看待
幾個senior都好人,好好笑容,好玩得
教我個同事仲成日驚我俾d客嚇親,其實都無咩野呀
我點都會做埋個暑假,開學仲番唔番就唔知lu
我呢d怕辛苦既人,多數都唔架拿

原來笑多d係有著數架
嘻嘻...

好啦. 等我都要笑多啲. 我個樣天生唔笑個樣都幾惡, 睇黎我都要學下保持笑容. 就算人吔唔對你好啲, 自己都會感染到自己開心啲既. 

記住:

SMILE

25  July

今日同契哥同佢GF 一起係PIAZZA HUT食飯, 順便交換生日禮物, 足足儲埋兩年既生日禮物至交換, 唔知下次交換生日禮物, 會唔會又係兩年後呢.

話時話, 有啲覺得佢吔兩個既樣有啲似, 算唔算係夫妻相呢 ~

24  July

9:10 

雖然已經改掛左3號成個鐘, 但係出面仲係好大風.

本來仲諗住落左8號, 實要番去見個mentor啦. 點知組長又打黎話個mentor話出面啲交通仲係好亂, 唔駛meeting, (嗰時我已經戴晒con, 洗埋頭, 好傻婆丫~) 真係好~ 咁樣拖拖下, 就係有排都唔駛見佢 lu ~

22  July

今日終於整左個留言版啦, 路過既就留過言啦. 

覺得部DC影啲相好靚好清, 

結果呢排成日都影好多無聊相, HEHEHE~~

20  July

今日好無聊丫. 留係屋企乜都無做過. 

得閒睇下曾凱玲本日記簿, 佢既日記真係好長, 寫既野真係好details丫~ 

反觀自己嗰啲就... 我都係寫唔出咁長既日記架啦. 

通常到寫日記嗰陣, only記得啲好大概既野. 不過我覺得都ok啦. 好過乜都寫唔出. 

希望可以keep住寫啦. 如果唔係我咁善忘, 實好快就唔記得晒lu.

最近成日影下相, 其實就算自動都唔係咁易影架, 尤其係啲好近既野,陽光底下既野同埋夜景. 呢啲情況自動通常都影唔倒, 要用手動架. 第時等我影多啲靚相俾大家睇啦. 

19  July

今日同elaine, kinki, kelly 一起去元祿食sushi, 食左好多野, 仲有啲反肚既感覺tim~!  仲影左埋卡, 都影得几靚架.

KELLY 今個暑假都有去旅行, 地點係泰國, 又有手信收lu. 今次收倒既係一隻手鐲, 都幾靚架. 今年真係特別多手信收~ :) 呵呵~

之後仲去埋行街街, 可惜無乜收獲. 

呢排成日都出街食, 好似肥左 D tim.

17 July

今日兩大新聞: 

董 建 華 周 六 趕 上 京
梁 錦 松 、 葉 劉 淑 儀 辭 職  

特 區 政 府 昨 晚 發 生 歷 來 最 嚴 重 的 人 事 大 地 震 ， 在 兩 個 多 小 時 內 ， 保 安 局 局 長 葉 劉 淑 儀 與 財 政 司 司 長 梁 錦 松 先 後 宣 布 辭 職 ， 梁 錦 松 更 即 時 離 任 。 董 建 華 管 治 班 子 瀕 臨 瓦 解 ， 推 行 僅 一 年 多 的 高 官 問 責 制 破 產 ， 已 陷 入 管 治 危 機 的 董 建 華 政 府 ， 一 片 樹 倒 猢 猻 散 凋 零 局 面 。 董 建 華 隨 即 宣 布 於 本 周 六 上 京 述 職 ， 向 中 央 匯報 事 件 。

涉 「 勁 歌 」 造 馬 　 楊 受 成 被 捕

廉 政 公 署 就 調 查 懷 疑 有 娛 樂 公 司 人 員 ， 涉 嫌 「 造 馬 」 ， 向 無 線 電 視 高 層 人 員 行 賄 ， 安 排 旗 下 歌 星 的 歌 曲 在 「 勁 歌 金 曲 」 節 目 中 登 上 龍 虎 榜 及 獲 獎 的 貪 污 案 ， 昨 採 取 大 規 模 的 搜 捕 行 動 ， 先 後 搜 查 多 間 娛 樂 唱 片 公 司 及 無 線  廣 播 城 ， 共 拘 捕 廿 二 人 ， 包 括 英 皇 集 團 主 席 楊 受 成 、 環 球 唱 片 公 司 香 港 區 總 裁 陳 少 寶 、 無 線  高 層 何 麗 全 、 歌 星 麥 浚 龍 及 其 父 親 中 建 電 訊 主 席 麥 紹 棠 ， 另 有 廿 六 人 包 括 謝 霆 鋒 、 鄭 希 怡 等 被 邀 助 查 。

好多人聽倒都覺得大快人心~   :) 

今日依然好熱. 番左學校攪extend修業年期同minor 既野. 

行程 : CC日研 --> 碧秋 --> BA OFFICE(啲FORM要擺低比阿HEAD簽) --> 旺角 --> BA OFFICE --> 碧秋

走黎走去. 勁無聊, 有啲通山跑既感覺. 學校啲人做野既效率真係......

講起效率, 真係有啲激氣, 日本間大學遲遲都未出ADMISSION LETTER, 佢究竟想几時至出呢. 都過差唔多成個月啦. 真係~~~ 有啲一直直既感覺. 

16  July

番左兩日new york life 既training course, 都几悶下.不過有得學下野, 又唔駛真係拉客, 又有錢收, 都ok啦.

又可以順便考埋保險試. 都算抵啦.

15  July

今日首先返左中大諗住攪日文minor, 點知無帶成績單副本攪唔成, 灰~~~

跟住去到又一城KFC, 坐左好耐, 睇人吔溜冰, 好多細路仔係度學緊, 好得意~

又去左LANCOME學化妝, 的確有啲難度~ 個化妝姐姐都幾靚女~

最開心就係同左JANICE, ELAINE, GINA, MONA同KINKI去左和民食野, 啲野真係几好食. 食得好飽.

9-10  July

同左小冰, 朱朱, 曾凱玲, 同埋佢男朋友一起去中山兩天團, ok好玩啦~

不過真係好累. 又好熱.

參觀左菇蘇別院, 茶趣園, 中山公園門口, spa(不過勁似游泳池), 大桶水(按摩), 遊樂場, 長命水村....

影左好多相, 五個人, 有三部DC, 一部傳統相機, 有啲誇張tim~

 4-5 July

呢兩日同阿爸阿媽去澳門旅行, 超熱~

熱得好緊要.

大汗滴細汗.

上次去同莊員去澳門, 因為遲入, 所以好多地方方都無去. 今次可以補番 lu.

今次去埋觀光塔, 氹仔...

不過同屋企人去, 無上次食得咁多野. 好多生冷野都唔啱佢吔. :(

1 July

實在太可惡啦. 奇魔呢個伺服器成日都DOWN左, 攪到啲圖經常性都LOAD唔倒. 好可惡. 

得閒要同本日記搬屋啦.